2022-yil 25–29-may kunlari O‘zbekiston Respublikasi Mudofaa vazirligining “Ta’minot departamenti xarid qilish boshqarmasi” mutaxassilariga O‘zbekiston Respublikasi Moliya vazirligi huzuridagi O‘quv markazi tomonidan Davlat xaridlarining qonunchiligi, xarid qilish tartib-taomillarini tashkil etish tartiblari yuzasidan masofaviy seminar kursi tashkil etildi.
Hozirgi kunda 2021-yil 22-aprelda “Davlat xaridlari to‘g‘risida”gi yangi tahrirdagi 684-son Qonuni va bir qancha qonun osti hujjatlari qabul qilingan bo‘lib, ish jarayonidagi muammoli vaziyatlarga yechim ushbu me’yoriy-huquqiy hujjatlarda o‘z aksini topgan. Aksariyat hollarda qonun hujjatlarini batafsil va chuqur o‘rganmaganlik moliyaviy hujjatlarni noto‘g‘ri shakllantirishda va xarid qilish tartib-taomilini to‘laqonli tashkil etilmasligi bilan baholanadi.
Bu kabi o‘quv seminarlarining tashkil etilishi vazirlik tizimdagi ashkilotlar mutaxassislari uchun o‘z samarasini bermay qolmaydi. Chunki, o‘zlari uchun dolzarb bo‘lgan muammoli savollariga yechim topadilar va kelgusi faoliyatlariga doir tavsiyalar oladilar.
Shu o‘rinda ta’kidlash joizki, O‘zbekiston Respublikasi Mudofaa vazirligining “Ta’minot departamenti xarid qilish boshqarmasi” mutaxassislari ushbu kurs davomida amaliyotdagi ko‘plab muammoli savollarga javob va yechimlar topdi. Kelgusida ham ish jarayonidan ajralmagan holda bu kabi tashkil etiladigan o‘quv kurslarini muntazam tashkil etish bo‘yicha O‘quv markaziga o‘zlarining takliflarini bildirdilar.
