O‘zbekiston Respublikasi Moliya vazirligi huzuridagi O‘quv markazi Moliya vazirligi G‘aznachiligining Davlat xaridlari departamenti bilan
hamkorlikda “O‘zbekiston Respublikasi Prezidentining 2019 yil
27 maydagi PF-5729-son Farmoni bilan tasdiqlangan “2019–2020-yillarda korrupsiyaga qarshi kurashish Davlat dasturi”ning 14-bandi ijrosi bo‘yicha tasdiqlangan chora-tadbirlar rejasi va 2019-yilning 26-noyabrdagi 153-sonli “O‘zbekiston Respublikasi Moliya vazirligining 2019-yil 22-oktyabrdagi “O‘zbekiston Respublikasi Moliya vazirligi G‘aznachiligining tizimini isloh qilish va tashkiliy tuzilmasini yanada takomillashtirish to‘g‘risida”gi buyrug‘i ijrosini ta’minlash to‘g‘risidagi Moliya vazirligining 168-son buyrug‘iga asosan byudejet tashkilotlari va byudjetdan mablag‘ oluvchi tashkilotlar hamda byudjet mablag‘larini samarali va maqsadli ijrosini ta’minlovchi mutaxassislar uchun seminar-trening tashkil etildi.
Ushbu tadbirda “Davlat xaridlarida korrupsiyaga qarshi kurashish mexanizmlari” mavzusida O‘zbekiston Respublikasi Bosh prokuraturasi katta prokurori Xudoyberdi Tursunbekov; “Davlat xaridlariga oid qabul qilingan me’yoriy-huquqiy hujjatlarning mazmun-mohiyati” mavzusida Moliya vazirligi huzuridagi O‘quv markazining katta o‘qituvchisi Iroda Musayeva; “Davlat xaridlari sohasini davlat tomonidan tartibga solish” mavzusida Moliya vazirligi G‘aznachiligining Davlat xaridlari departamenti boshlig‘i Gulnora Raximova tomonidan seminar-trening o‘tkazildi. Seminar davomida tashrif buyurgan ishtirokchilar tomonidan tinglangan ma’ruzalarga qiziqishlar bildirishdi, yuzaga kelayotgan muammolarni bartaraf etish uchun yechimlar olishdi.
