O‘zbekiston Respublikasi Korrupsiyaga qarshi kurashish agentligining 12.04.2022-yildagi 01-10-01/1489-sonli xati bilan yo‘llangan Davlat xaridlari sohasida “Korrupsiyasiz soha” loyihasini amalga oshirish yuzasidan 2022-2023-yillarga mo‘ljallangan “Yo‘l xaritasi”ning 8.1-bandi ijrosi yuzasidan O‘zbekiston Respublikasi moliya vazirligi huzuridagi O‘quv markazida 27-sentyabrdan 3-oktyabr kunlari “Yetkazib beruvchilar uchun “Davlat xaridlari” bo‘yicha maxsus malaka oshirish kursi” tashkil qilindi.
Ushbu o‘quv kursi O‘zbekiston Respublikasi moliya vazirligi, Iqtisodiy taraqqiyot va kambag‘allikni qisqartirish vazirligi, hamda Savdo-sanoat palatasi hamkorligida tashkil etildi. Maxsus o‘quv kursiga respublikamizning barcha hududlaridan 530 dan ortiq turli soha tadbirkorlik sub’ektlari masofaviy ishtirok etdilar.
Kursda davlat xaridlari tashkil etishning huquqiy asoslari, maxsus axborot portali orqali ishtirok etish tartibi, xarid qilish tartib-taomillarida takliflarni berish qoidalari va davlat xaridlari ishtirokchilarining xo‘jalik munosabatlaridagi huquq va majburiyatlari mavzularidan iborat 5 kunlik onlayn (zoom) maxsus malaka kursi tashkil etildi.
Hozirgi kunda tadbirkorlar uchun yaratilayotgan keng imkoniyatlar bu albatta, kelajakda yurtimiz iqtisodiy rivojiga va xalq farovonligiga o‘zining ijobiy ta’sirini ko‘rsatadi. Aynan davlat xaridlari yo‘nalishida 2021 yilda 147.4 trln.so‘mdan oshiq savdolar amalga oshirilgani, bu tadbirkorlar uchun juda katta bozor demakdir. Hozirda xo‘jalik yurituvchi sub’ektlar tomonidan yaratilayotgan tovar (ish, xizmat)larning realizatsiyasi katta muammo hisoblanadi, ishlab chiqarilgan mahsulotlarini sotishda dunyoda ommalashayotgan vertual bozorlar orqali realizatsiya qilish keng taraqqiy etgan soha hisoblanadi. Bunda ushbu o‘quv kursi tadbirkorlik biznesini rivojlanishi uchun ularga amaliy dastur bo‘lishi shubhasiz.
Davlat xaridlari ishtirokchilari uchun tashkil etilgan ushbu maxsus malaka kursi tadbirkorlar tomonidan ayni muddao bo‘lganligi, ularga xaridlar tizimi orqali faoliyatlarini rivojlantirishga turtki bo‘lishini ta’kidlab, bu formatdagi malaka kurslarini doimiy ravishda tashkil etilishi belgilab olindi.
