Oʻzbekiston Respublikasi Vazirlar Mahkamasi huzuridagi “Toshkent city xalqaro ishbilarmon markazi hududida obyektlarni qurish va ulardan foydalanish direksiyasi” davlat unitar korxonasi bilan Oʻzbekiston Respublikasi Moliya vazirligi huzuridagi Oʻquv markazi hamkorligida oʻzaro kelishuv asosida davlat xaridlari yoʻnalishida 2022-yil 6-maydan oʻquv kurslari tashkil etildi. Ushbu oʻquv seminar Oʻquv markazi professor-oʻqituvchilari tomonidan Davlat xaridlari jarayonini tashkil etish, xarid qilish tartib-taomillarini oʻtkazish me’zonlari, korporativ xaridlar sohasidagi me’yoriy-huquqiy normalardagi yangilik va oʻzgarishlar mavzularida tashkil etildi.
“Tashkent city” direksiya DUK mutaxassislari ish jarayonida uchrayotgan muammoli vaziyatlar, ayniqsa, davlat xaridlari maxsus axborot portali bilan ishlash tartibi, moliyaviy-xoʻjalik munosabatlari hujjatlarini shakllantirishdagi tushunmovchiliklar va yana bir qancha savollariga javob oldilar.
Bu esa kelgusida davlat buyurtmachilarining ishlarini tashkil etishda, ajratilgan mablagʻlarni maqsadli va qonuniy toʻgʻri sarflanishida oʻz samarasini beradi. Direksiya mutaxassislariga oʻz sohalaridan kelib chiqib, Oʻzbekiston Respublikasi Vazirlar Mahkamasining 31-yanvar 2022-yildagi “Qurilish sohasida elektron davlat xaridlarini tashkil etish va amalga oshirish tartibini takomillashtirish chora-tadbirlari toʻgʻrisida”gi 46-son qarori, Oʻzbekiston Respublikasi Prezidentining 20-fevral 2018-yildagi PQ–3550-son qarorlari mohiyati batafsil tushuntirildi.
Bu kabi oʻquv seminarlarini tashkil etilishi davlat buyurtmachilari uchun ayni muddao hisoblanadi. Chunki, ular oʻzlarini qiynab kelayotgan koʻplab savollariga yechim topadilar va tavsiyalar oladilar.
Oʻquv markazi tomonidan davlat buyurtmachilariga tashkil etilayotgan seminar va oʻquv kurslarini oʻtkazish tajribasi yaxshi an’anaga aylanib oʻlgurgan boʻlib, oʻtgan davr mobaynida bu amaliyot tinglovchilar tomonidan oʻzlarining ijobiy bahosiga ega boʻlmoqda.
