Joriy yilning 21-oktyabr kuni, O‘zbekiston yoshlar ittifoqining O‘zbekiston Respublikasi Moliya vazirligidagi yoshlar boshlang‘ich tashkiloti tomonidan O‘zbek tiliga davlat tili maqomi berilganining 30 yil to‘lishi munosobati bilan “Til-millat ko‘zgusi” shiori ostida taniqli fan va san’at vakillari bilan ijodiy uchrashuv o‘tkazildi.

Tadbir O‘zbek adabiyoti yorqin namoyondalarining she’rlaridan tayyorlangan videorolik namoyishidan boshlandi. Undan so‘ng O‘zbekiston Respublikasi Moliya vazirligi Xodimlar bilan ishlash boshqarmasi boshlig‘i B.Nurmatov bugungi muhim sana bilan yig‘ilganlarni tabriklab, o‘zbek tilining muhim jihatlariga to‘xtalib o‘tdilar. Mutaxassis Marhabo Sobirova esa yig‘ilganlarga O‘zbek tilining tarixi va O‘zbekiston Respublikasining “Davlat tili haqida”gi Qonuni qabul qilinishi, undagi moddalarga sharhlar berib, misollar bilan gapirib o‘tdi. Muqimiy nomidagi O‘zbek davlat musiqali drama teatri aktyori Xayrullo Inog‘omov esa ishtirokchilarga spektakllardan parchalar namoyish etdi.

Shuningdek, tadbirda O‘zbekiston Respublikasi Milliy Gvardiyasi xodimlari ham ishtirok etdi. O‘zbekiston Respublikasi Milliy Gvardiyasi Harbiy qism komandiri o‘rinbosari U.Hasanov so‘zga chiqib, tadbir ishtirokchilarini bugungi muhim sana bilan tabriklab, o‘zining fikrlarini bildirib o‘tdi.

Umuman olganda tashkil etilgan mazrkur tadbir ishtirokchilarning ongida bir umrga muhrlanib, O‘zbek tilining naqadar boy va jozibali til ekanligiga yana bir bora amin bo‘lishdi.

Takidlash joizki, Moliya vazirligi hodimlar o‘rtasida shu tadbir doirasida ona tili bag‘ishlangan insholar tanlovi bo‘lib o‘tdi.
 

Manba: Mf.uz