Joriy yilning 8 oktyabr kuni OTBning maslahat missiyasi hamda «FCG International Ltd.» xalqaro ekspertlar konsortsiumi, «Grant Tornton»ning texnik va moliyaviy maslaxatchilari, shuningdek «Allen & Overy» i «Kosta Legal»ning yuridik maslahatchilari Samarqand, Buxoro, Namangan va Qarshi shaxarlarida suv ta’minoti va kanalizatsiya soxasida DXSh loyihasining texnik-iqtisodiy tadqiqotlarini tayyorlash bo’yicha birinchi bosqich ishlarni boshladi. Mazkur bosqich 2020 yilning birinchi choragida yakunlanadi.
Ushbu shaharlarda suv ta’minoti va suv chiqarish loyihalarini tayyorlash va tuzishda Osiyo taraqqiyot banki hukumatga maslahatchi etib tayinlangan. OTB 2020 yilda O’zbekistonga xorijiy investitsiyalarni keng jalb qilishga ko’maklashadi.
Mazkur loyihada maslahat xizmatlarini ko’rsatishi uchun 2019 yilning may oyida O’zbekiston Respublikasi uy-joy komunal xizmat ko’rsatish vazirligi va Osiyo taraqqiyot banki hamda DXSh agentligi tomonidan Samarqand, Buxoro, Namangan va Qarshi shaharlarida suv ta’minoti infratuzilmasini tiklash, ulardan foydalanish va tehnik xizmat ko’rsatishni nazarda tutuvchi “O’zbekiston shahar suv-oqava tizimini yaxshilash bo’yicha maslahat xizmatlarini ko’rsatish bo’yicha” memorandum imzolangan.
Maslahat xizmatlari: DXSh asosidagi loyihalarni ishlab chiqish, amalga oshirish va xaridlarni tayyorlashni o’z ichiga oladi.
OTB ushbu loyihani amalga oshirish uchun 2.6mln AQSh dollari grant ajratdi.
Missiya doimiy ravishda O’zbekistonda ish olib boradi. Moliya vazirligi, Uy-joy komunal xizmat ko’rsatish vazirligi, hokimliklar, DXSh agentligi bilan hamkorlikda ushbu loyihani amalga oshirish bo’yicha 6-8 oy uchun mo’ljallangan tadbirlar rejasini ishlab chiqdi.
Davlat rahbarining “Respublika iqtisodiyotiga to’g’ridan-to’g’ri xorijiy investitsiyalarni jalb qilish mexanizmlarini yanada takomillashtirish chora-tadbirlari to’g’risida”gi Qarorida Samarqand, Buxoro, Namangan va Qarshi shaxarlarida suv ta’minoti va kanalizatsiya tizimini boshqarishni DXSh loyihasi asosida amalga oshirish nazarda tutilgan.
Mazkur loyihani amalga oshiriga Uy-joy komunal xizmat ko’rsatish vazirligi, Samarqand, Buxoro, Namangan, Qarshi shaharlari xokimligi, DXSh agentligi mas’ul qilib belgilangan. 2020 yilda mazkur loyiha bo’yicha Davlat-xususiy sherikligi bitimini imzolash va uni amalga oshirish ko’zda tutilgan.
Manba: Mf.uz
