Oʻzbekiston Respublikasi Iqtisodiyot va moliya vazirligi huzuridagi Oʻquv markazi tomonidan maʼmuriy islohotlar natijasida vazirlik faoliyatiga kiritilgan oʻzgartirishlar va uning tarkibiy tuzilmasi bilan tizim xodimlarini yaqindan tanishtirish maqsadida “Vazirlik departamentlarining ustuvor vazifalari: ochiqlik va moliyaviy intizom” mavzusida vebinar tashkil etildi.
Mazkur vebinarda vazirlikning Iqtisodiy oʻsishni tahlil qilish va prognozlash hamda monetar, fiskal va tashqi savdo siyosatlarining oʻzaro muvofiqligini taʼminlash departamenti, Strategik rejalashtirish, infratuzilmani rivojlantirish va loyihalarni samarali joylashtirish boshqarmasi, Yer islohotlari va hududlar master-rejalarini ishlab chiqishni muvofiqlashtirish boshqarmasi, shuningdek, Korrupsiyaga qarshi kurashish va komplayens nazorati boʻlimlarining ustuvor vazifalari hamda faoliyati yuzasidan taqdimotlar oʻtkazildi.
Vebinar ishtirokchilari taqdimot oʻtkazilganidan soʻng oʻz fikr-mulohazalarini bildirib, ularni qiziqtirgan savollarga soha mutaxassislari tomonidan kerakli javoblar olishdi.
Vebinarlar tizimli ravishda oʻtkazilishi rejalashtirilgan boʻlib, joriy yilning iyul–avgust oylarida maxsus reja-jadval asosida har haftada bir marotaba boʻlib oʻtadi va unda vazirlikning markaziy apparati departamentlari hamda mustaqil tarkibiy tuzilmalari faoliyatining ustuvor vazifalari va yoʻnalishlari keng yoritib beriladi.
