Davlat moliyaviy nazorati departamenti tomonidan 2020-yilning 1-yarim yilligida Ish reja, Hukumat va huquqni muhofaza qiluvchi organlarining topshiriqlari asosida 2 584 ta moliyaviy nazorati tadbirlari o‘tkazildi.
Moliyaviy nazorat tadbirlarining asosiy qismi 2010 tasi (79%) byudjet mablag‘larini maqsadli ishlatilishi yuzasidan o‘tkazilgan bo‘lib, nazorat tadbirlarida 81,7 mlrd.so‘m miqdorida byudjet intizomini buzish, pul va tovar moddiy boyliklar kamomadi kabi xolatlar aniqlandi.
Nazorat tadbirlari davomida ko‘rilgan chora-tadbirlar natijasida noqonuniy sarflangan mablag‘larning 57,4 mlrd.so‘mi (70%) tegishli byudjetlarga tiklanishi ta’minlandi.
Hisobot davrida aniqlangan qonunbuzilish holatlari va boshqa xato-kamchiliklarning tahlili vazirliklar bo‘yicha quyidagilarni tashkil etdi:
Xalq ta’limi vazirligi tizimida o‘tkazilgan 297 ta nazorat tadbirlarining 235 tasida 21,5 mlrd.so‘m miqdorida qonunbuzilish holatlari aniqlanib, 2019-yilning mos davriga (9 mlrd.so‘m) nisbatan qonunbuzilish holatlari 2,5 martaga oshgan.     
Sog‘liqni saqlash vazirligi tizimida o‘tkazilgan 285 ta nazorat tadbirlarining 205 tasida 14,1 mlrd.so‘m miqdorida qonunbuzilish holatlari aniqlanib, 2019-yilning mos davriga (6,1 mlrd.so‘m) nisbatan qonunbuzilish holatlari 2,3 martaga oshgan.
Maktabgacha ta’lim vazirligi tizimida o‘tkazilgan 151 ta nazorat tadbirlarining 119 tasida
 6,9 mlrd.so‘m miqdorida qonunbuzilish holatlari aniqlanib, 2019-yilning mos davriga (4,3 mlrd.so‘m) nisbatan qonunbuzilish holatlari 1,4 martaga oshgan.
Madaniyat vazirligi tizimida o‘tkazilgan 170 ta nazorat tadbirlarining 162 tasida 2,6 mlrd.so‘m miqdorida qonunbuzilish holatlari aniqlanib, 2019-yilning mos davriga (1,4 mlrd.so‘m) nisbatan qonunbuzilish holatlari qariyib 2 martaga oshgan.
Jismoniy tarbiya va sport vazirligi tizimida o‘tkazilgan 168 ta nazorat tadbirlarining 154 tasida 2 mlrd.so‘m miqdorida qonunbuzilish holatlari aniqlanib, 2019-yilning mos davriga (0,5 mlrd.so‘m) nisbatan qonunbuzilish holatlari 3,4 martaga oshgan.
Suv xo‘jaligi vazirligi tizimida o‘tkazilgan 33 ta nazorat tadbirlarining 29 tasida 1,4 mlrd.so‘m miqdorida qonunbuzilish holatlariga yo‘l qo‘yilganligi aniqlandi.
Uy-joy kommunal xizmat ko‘rsatish vazirligi tizimida o‘tkazilgan 18 ta nazorat tadbirlarining 15 tasida 0,9 mlrd.so‘m miqdorida qonunbuzilish holatlari aniqlanib, 2019-yilning mos davriga (0,4 mlrd.so‘m) nisbatan qonunbuzilish holatlari 2 martaga oshgan.
Bundan tashqari, hokimiyatlar huzuridagi “Yagona buyurtmachi xizmati” injiniring kompaniyalarida o‘tkazilgan 85 ta nazorat tadbirlarining 78 tasida 4 mlrd.so‘m miqdorida qonunbuzilish holatlari aniqlanib, 2019-yilning mos davriga (2,8 mlrd.so‘m) nisbatan qonunbuzilish holatlari 1,4 martaga oshgan.
Shuningdek, yirik miqdorda qonunbuzilish holatlari Andijon (8,9 mlrd.so‘m), Qashqadaryo (8,2 mlrd.so‘m), Toshkent (6,2 mlrd.so‘m), Jizzax (5,5 mlrd.so‘m), Surxondaryo (5,4 mlrd.so‘m), Namangan (4,6 mlrd.so‘m), Farg‘ona (4,4 mlrd.so‘m) viloyatlari hamda Toshkent shahri (7,9 mlrd.so‘m) va Qoraqalpog‘iston Respublikasi (5,5 mlrd.so‘m)dagi byudjetdan mablag‘ oluvchi tashkilotlarda aniqlangan.
Byudjet qonunchiligi buzilgan byudjetdan mablag‘ oluvchi tashkilotlarning 47 nafar rahbarlari va boshqa mansabdor shaxslari o‘rnatilgan tartibda 35 mln.so‘m miqdorida jarima tortilgan.
Shuningdek, 1 246 ta nazorat tadbirlarida aniqlangan 79,4 mlrd.so‘mlik qonunbuzilish holatlari qonuniy choralar ko‘rish uchun huquqni muhofaza qilish organlariga yuborilgan.